Murad Skincare

السلام عليكم 

اليوم حبيت اتكلم عن ماركه للعنايه بالبشره الى هي

Murad

ما جد شفت بلوقر كاتبه او متكلمه عن هالماركه

لبلوقر الاجانب متكلمين بس بعد مب عاطينها حقها 

بخبركم كيف تعرفت علي هالمنتج او الماركه

كنت في بانكوك وبغيت اسوي تنظيف للبشره الى هو الفيشل 

Murad  وبالصدفه شفت عندهم سبا تابع  ل

المهم دخلت عندهم واخترت تنظيف عادي وكانت عندي بقعه صغير لحب الشباب شي   

المهم قالتلي شو رايك انصورك قبل وبعد عشان اتشوفين الفرق 

استغربت من سوالها 

وما تصورت 

المهم سويتلي الفيشل وخلصت وفعلا لاحظت في فرق 

فسالتها شو الكريمات الى استعملتها لي

لاني حبيت النتيجه

 الحين بتكلم عن الكريمات الى جربتها

  ،هذا غسول للوجه  

الحلو فيه بعد ما تغسلين الوجه ما تحسين انه جاف

وينظف عدل ويشل كل الميك اب

بعدها استعمل التنور 

هذا اول استعمال لي فما اقدر احكم عليه 

بس حلو

احلى مرطب استعملته

هذي ثاني علبه استخدمها

ما اتحسين انه الوجه مزيت بعد ما تحطينه

وتستعملين كميه قليله منه 

استعمله صبح ومسا 

شو اقول عنه

1- advanced active Radiancer serum

هذا سيرم يشيل البقع الى في الوجه ، من اول اسبوع استعملته صبح ومسا خف اثر حب الشباب

والى في السبا نصحتني فيه قالتلي اذا تبين تاخذين منتج وحد خذي هذا بيفيدج وبيشيل البقع او التصبغات الى في الوجه

هذي ثاني علبه استعملها 

بس قمت استعمله وقت الحاجه 

2- Intensive-C Radiance Peel

عباره عن ماسك ونفس الشي للبقع 

تستعملينه مرتين في الاسبوع او مره، اول ما تحطينه على الوجه تحسين بحرقان وعقب يخف

1- Blackhead Remover 

عباره عن ماسك يشل الرووس السوده

2- Pore Refining Sealer

 وبعد ما تغسلين الوجه اتحطين الكريم 

عشان يصغر المسامات

روتيني اليومي استعمل الغسول والتونر والمرطب  

والماركه فيها اشيا كثيييره بس هذي الكريمات الي اتسعملتهم

من وين تقدرون تحصلون الكريمات ؟

   http://www.basharacare.com انا اطلبهم عن طريق 

في الامارات ما لقيتهم غير عن طريق الموقع 

الاسعار؟

اسعارهم غاليه نسبيا بس يستاهل المنتج ،ونصيحه اذا حابه اتجربين خذي منتج واحد وجربيه 

بالنسبه لي كنت كل مره اخذ شي من المنتجات

وان شاء الله استفدتو